Borcun könüllü qaytarılması üçün effektiv və qanunvericiliyə tam uyğun dialoq qurma strategiyaları tətbiq edirik. Prosesə SMS və poçt bildirişləri, səmərəli telefon danışıqları, borclunun aktual məlumatlarının yenilənməsi, şəxsi görüşlərin təşkili və fərdi ödəniş planlarının hazırlanması daxildir. Məqsədimiz — borcun məhkəməyə çıxarılmadan, qarşılıqlı anlaşma və hüquqi çərçivədə bağlanmasını təmin etməkdir.

Məhkəmə və icra mərhələsində tam hüquqi dəstək göstərir və təmsilçilik təmin edirik. Xidmətlərə iddia ərizələrinin hazırlanması, məhkəmədə təmsilçilik, məhkəmə qərarlarının alınması ve icraya yönəldilməsi, icra qurumları ilə koordinasiya daxildir. BOA Agency-nin hüquq komandası hər bir işi qanuni əsaslarla və maksimal nəticə əldə etmək məqsədilə həyata keçirir.

BOA Agency problemli kredit və borc portfellərinin ədalətli, şəffaf və analitik əsaslarla qiymətləndirilməsi və alınması xidmətini təqdim edir. Prosesə aktivlərin dərin analizi, risk və gəlirlilik qiymətləndirilməsi, maliyyələşdirmə strukturunun formalaşdırılması və razılaşdırılmış şərtlərlə portfelin alınması daxildir. Bizim yanaşmamız həm kreditor üçün maliyyə sabitliyinin qorunması, həm də bazarda aktiv dövriyyənin canlandırılması məqsədini daşıyır.